Seoladh taispeántas grianghrafadóireachta leis an ealaíontóir Iollann Ó Murchú i ndánlann Belfast Exposed ar na mallaibh.
‘Tarraingíonn Scéal Scéal Eile’ an t-ainm atá ar an taispeántas agus is mar chuid den chlár ‘British? Irish? Either? Neither?’ atá sé á chur i láthair. Tá an clár imeachtaí eagraithe ag an Oifig um Fhéiniúlacht agus Léiriú Cultúrtha.
Tharla seoladh ‘Tarraingíonn Scéal Scéal Eile’ ar ‘Lá theanga agus chultúr na nGael’ agus ba é an Coimisinéir Gaeilge, an Dr. Pól Deeds, a sheol é. Labhair sé linn faoin nasc láidir atá ann idir an Ghaeilge, na healaíona agus an dúlra.
Labhair muid fosta le Máirín Hurndall, a d’fhreastail ar an imeacht. Bhain sí an-sult as an lá agus as na comhráite suimiúla a bhí aici le daoine ó chúlraí éagsúla.
Beidh imeachtaí eile ag titim amach in Belfast Exposed mar chuid den chlár ‘BIEN’, a dhéanann ceiliúradh agus plé ar na cultúir éagsúla atá mar chuid den tsochaí anseo sa Tuaisceart.
