De dheasca na srianta taistil atá ann faoi láthair, tá na mílte Gael gafa thar lear agus ní féidir leo filleadh chun an bhaile le bheith lena dteaghlaigh an Nollaig seo.
Bhí an bhliain seo iontach trom orainn uilig agus beidh muid sásta an bhliain úr a fheiceáil. Sin ráite ar bhealaí thug 2020 an deis do dhaoine níos mó ama a chaitheamh lena dteaghlaigh agus caidrimh níos láidre a thógáil leo.
Dóibh siúd atá ina gcónaí thar lear áfach, bhí an bhliain seo níos deacra arís. Beidh na haerfoirt ar oscailt don Nollaig ach níl seans ag an chuid is mó de na Gaeil atá thar sáile spás a fháil ar eitilt agus beidh orthu Séasúr an Nollag a chaitheamh gan a ndaoine muinteartha.
Labhair Meon Eile le Bróna Ní Chasaide, Sara Ní Chonghaile agus Dermot Coffey faoina bheith i bhfad ón bhaile ag an am seo den bhliain.
Tá ábhar dóchais againn faoi dheireadh thiar thall áfach agus an vacsaín i gcoinne COVID-19 á tabhairt amach don ghnáthphobal anois agus ta súil againn go mbeidh muid uilig le chéile arís go luath!