Tá baill Chumann Rothaíochta Loch Lao chun rothaíocht ón Cheathrú Ghaeltachta i mBéal Feirste go Ráth Cairn na Mí le hairgead a thiomsú ar son bhus meánscoile Choláiste Feirste.
Cuirfear an t-airgead a bhailítear ón rothaíocht i gciste ‘Tuistí an Tuaiscirt’, tuismitheoirí ó cheantar Ard Eoin ar a bhfuil a gcuid páistí ag freastal ar Choláiste Feirste.
Tá 112 dalta ó cheantar Ard Eoin ag freastal ar Choláiste Feirste gan soláthar iompair tiomnaithe ar fáil dóibh.
Gheall an tAire Oideachais, John O’Dowd, go réiteofaí cás na ndaltaí trí mhí ó shoin ach is beag dul chun cinn atá déanta, dar leis na tuismitheoirí.
Seo chugaibh léargas ar fheachtas rothaithe Loch Lao…
Dá mba mhaith leat tuilleadh a léamh faoi chás Thuistí an Tuaiscirt, is féidir cliceáil ar an nasc ag bun an leathanaigh.