Foilsithe 22 Iúil. 2016

Scéal scanrúil truacánta é líon na n-ionsaithe sceimhlitheoireachta atá imithe i méid san Eoraip agus sa Mheánoirthear i mbliana.

244 duine a mharaigh ISIS go tragóideach sa Fhrainc idir ionsaí ar oifig Charlie Hebdo (22), ionsaithe Pháras (137) agus ionsaithe Nice (85 duine). Ní féidir dearmad a dhéanamh ar ionsaithe na Beilge ná na Gearmáine ach an oiread.

Ach is i Siria agus sa Mhéanoirthear atá an chuid is measa den sléacht agus dúnmharú. Tíortha iad seo atá ar imeall na hEorpa, agus níl cosúlacht ann go bhfuil an céasadh, cogadh agus marú ag dul a laghdú go luath. Ábhar imní agus uafáis gan amhras.

Le teacht an tsamhraidh, tá go leor cainte faoin bhaol sceimhlitheoireachta roimh Éireannaigh agus iad ag tabhairt aghaidhe ar an choigríoch dá laethanta saoire. An dtagann an t-ábhar seo chun aigne agus daoine ag dréim le seachtain sóláis faoin ghrian? Tá an t-ábhar idir chamáin ar bhosca na seachtaine seo…

Tuilleadh >

Campa Chormaic - ceiliúradh ar oidhreacht Chormaic Mhic an Ailín

Foilsithe 21 Iúil. 2016 I Spórt, Pobal

Campa Chormaic
Campa Chormaic

Dhá bhliain déag atá imithe ó d’éag Cormac Mac an Ailín, an tIar-Chaptaen ar fhoireann peile Thír Eoghain. Thug fear na hEaglaise leis gach mórghradam dá raibh ann i gCumann Luthchleas Gael sular bhuail an bás é ag 24 bliain d’aois. Tá lorg an fhir le sonrú fós i gcumainn CLG mórthimpeall Chúige Uladh. Chuir a dheartháir Dónall tús le hIontaobhas Chormaic agus go gairid ina dhiaidh sin bunaíodh Campa Chormaic.

Tá Campa Chormaic á réachtáil i gceithre chontae éagsúla i gCúige Uladh agus díríonn siad ar scileanna peile agus iomána, mar aon leis an Ghaeilge. Seo chugaibh léargas ar Champa na bliana seo i mBaile na Scríne, Doire Theas, áit ina bhfuil an campa á úsáid le forbairt na hiomána i measc an aois óig a threisiú sa chontae.

Tuilleadh >

Siompóisiam ar shaothar Sheosaimh Mhic Grianna ar an Iúr

Foilsithe 20 Iúil. 2016 I Pobal, Cultúr agus Ealaíon

Siompóisiam ar shaothar Sheosaimh Mhic Grianna
Siompóisiam ar shaothar Sheosaimh Mhic Grianna

Shane Ó Curraighín

Tá siompóisiam ar shaothar Sheosaimh Mhic Grianna faoi lán seoil i nGaeláras Mhic Ardghail in Iúr Chinn Trá, idir seo agus tráthnóna Dé hAoine. Deartháir a bhí i Séamuis le Seosamh agus Seán Bán Mac Grianna, teaghlach mór scríbhneoireachta as Rann na Feirste i gcaitheamh an chéid seo caite. Seo léargas ar an mhéid atá ag titim amach ar an Iúr go ceann roinnt laethanta.

Tuilleadh >

Seachtain fágtha chun tacú le Raidió na dTreabh

Foilsithe 19 Iúil. 2016 I Pobal

Raidio na dTreabh
Raidio na dTreabh

Seán Ó Baoill

Tá díograiseoirí Raidió na dTreabh, an stáisiún raidió nua Gaeilge i nGaillimh, i mbun feachtais ar Fund It agus é mar sprioc acu €8,000 a bhailiú.

Bhí ceolchoirm speisialta le Spats Colombo, chomh maith le fualacht, mar chuid den fheachtas ag an deireadh seachtaine in Áras na nGael, Gaillimh.

Bhí Meon Eile i láthair le fáil amach cad mar atá ag éirí leo agus seachtain fágtha chun an sprioc a bhaint amach…

Tuilleadh >

Cad a dhéanfaimid anois tar éis Brexit?

Foilsithe 18 Iúil. 2016 I Cúrsaí Reatha

Críochdheighilt na hÉireann

Beidh neart impleachtaí ag Sasamach ar an tuaisceart, ach thar aon ní eile caithfear dul i ngleic leis an críochdheighilteachas ar mire atá á chothú i gcónaí ar an oileán, a scríobhann Concubhar Ó Liatháin…

Tuilleadh >

Cé a bhuafaidh Cluiche Ceannais Uladh idir Dún na nGall agus Tír Eoghain?

Foilsithe 15 Iúil. 2016

Barúil ón Bhosca
Barúil ón Bhosca

I gCluain Eois Dé Domhnaigh rachaidh Dún na nGall agus Tír Eoghain in adharca a chéile i gCluiche Ceannais Chúige Uladh. Seo an séú cluiche ceannais cúige i ndiaidh a chéile ag na Conallaigh ó 2011. Níl a gcuid lámha leagtha ag na hEoghanaigh ar Chorn Anglo Celt ón bhliain 2010. Is iad fir Thír Eoghain rogha na coitiantachta ag na geallghlacadóirí. Labhair muid le láitheoirí chlár spóirt Raidió Fáilte faoi chluiche ceannais na cúige.

Tuilleadh >

Srutháin Cheoil - An 4ú dlúthdhiosca seolta ag Tionscnamh Lugh

Foilsithe 14 Iúil. 2016 I Cultúr agus Ealaíon

tionscnamh lugh
tionscnamh lugh

Seán Ó Baoill

Beidh scoth an cheoil le cluinstin le linn Iúil agus Lúnasa mar chuid den tsraith ‘Trad Tráthnóna’ i nDún Lúiche.

Tá ‘Trad Trathnóna’ á reáchtáil ag Tionscnamh Lugh le trí bliana agus fiche anuas agus é mar sprioc acu an ceol traidisiúnta a chur chun cinn i nGaeltacht Thír Chonaill.

I mbliana seoladh an 4ú dlúthdhiosca dá gcuid, dar teideal ‘Srutháin Cheoil’.

Tuilleadh >

£10,000 scoláireachtaí Gaeilge ar tairiscint ag Ollscoil Uladh agus CLG Uladh

Foilsithe 13 Iúil. 2016 I Pobal, Spórt, Cultúr agus Ealaíon

€10,000 Scoláireachtaí Gaeilge a thairiscint ag CLG Uladha agus Ollscoil Uladh
€10,000 Scoláireachtaí Gaeilge a thairiscint ag CLG Uladha agus Ollscoil Uladh

Shane Ó Curraighín

Tá scéim scoláireachtaí Gaeilge ar luach £10,000 seolta ag Comhairle Uladh i gcomhair le hOllscoil Uladh. Tá sé ina aidhm ag ‘Gaeilge sa Chlub’ baill na bhfo-chumann i gcúige Uladh a mhealladh i dtreo na Gaeilge.

Suas le 30 scoláireacht atá ar fáil do bhaill CLG sa chúige le staidéar a dhéanamh ar dhioplóma páirtaimseartha sa Ghaeilge. I mBéal Feirste, Doire, Iúr Cinn Trá agus ar an Chorr Críochach atá an dioplóma á thairiscint. Seo ceathrú bliain na scéime atá oscailte d’fho-chumainn uile na cúige.

Labhair muid le foireann na hOllscoile agus le hUachtarán CLG Uladh, Michael Hasson, faoin scéim atá á tairiscint acu…

Tuilleadh >

An Ghaeilge faoi bhláth sa Sruthán

Foilsithe 11 Iúil. 2016 I Pobal

Rang Gaeilge an tSrutháin

Tá ag éirí go han-maith le ranganna Gaeilge ar an Sruthán, taobh amuigh den Iúr, agus daoine ó chúlra éagsúla ag dul dóibh. Tuairisc le Katie McGreal.

Tuilleadh >

Séamus Mac Géidigh - laoch raidió ar lár

Foilsithe 08 Iúil. 2016 I Cúrsaí Reatha, Pobal

Séamus Mac Geidigh
Séamus Mac Geidigh

Seán Ó Baoill

Scamall dorcha a bhí os cionn cheantar Chloich Cheann Fhaola agus fear dá gcuid féin, Séamus Mhic Géidigh, imithe ar Shlí na Fírinne.

Craoltóir cumasach agus tráchtaire spóirt den chéad scoth a bhí i Séamus.

Ní raibh sé ach 54 bliain d’aois nuair a fuair sé bás go tobann tráthnóna Dé Luain…

Tuilleadh >

Tráchtanna is déanaí