Ceol na Clainne

Is sraith cheoil é ‘Ceol na Clainne’ inniu ar Meon Eile ina labhraíonn muid le teaghlaigh áirithe a bhfuil bua an cheoil acu.

Ceol na Clainne - Clann Kerr

Sraitheanna

Tá 'Ceol na Clainne' ag teacht ó Bhéal Feirste an tseachtain seo agus Seán Ó Baoill i mbun cainte leis an deartháir agus leis an deirfiúr Laura agus Barry Kerr. Bhuail Séan leis an bheirt in Ionad Cultúrtha Duncairn i dtuaisceart na cathrach, áit a bhfuil stiúideo péintéireacht ag Barry. Amharc ar an fhíseán

Ceol na Clainne - Clann Uí Chanainn

Sraitheanna

An tseachtain seo ar *Ceol na Clainne* tá *Seán Ó Baoill* ar ais i gCo. Dhún na nGall, ach an tseachtain seo tá sé i gcuideachta athar agus iníne, John agus Diane Uí Chanainn as Gort a' Choirce. Tá neart déanta acu beirt i dtaobh an cheoil tíre de. Chaith John na blianta ag bualadh sa ghrúpa 'The Clubmen' i gcuideachta a bheirt deartháireacha. Chaith siad seal ar an choigríoch idir Albain agus Sasana agus sheinm fud fad na hÉireann chomh maith.

Ceol na Clainne - Clann Diamond

Sraitheanna

San dara cuid den tsraith tá muid i mBaile Átha Cliath agus Seán Ó Baoill ag tabhairt cuairte ar Chlann Diamond. Is as Béal Feirste ó dhúchas é Dermy Diamond agus as Co. an Dúin a bhean chéile Tara, ach cónaí orthu i mBaile Átha Cliath leis na blianta anuas, áit ar thóg siad beirt chlainne, Danny agus Helen. Tá Helen agus Danny ag leanúint a gcuid tuismitheoirí anois agus iad aitheanta i saol an cheoil traidisiúnta agus albaim taifeadta acu.

Ceol na Clainne - Clann Mhic Ruairí

Sraitheanna

Cuireann muid tús le *‘Ceol na Clainne’* inniu ar Meon Eile, sraith úr cheoil ina labhraíonn muid le teaghlach áirithe a bhfuil bua an cheoil acu. Sa chéad chuid den tsraith tugann *Seán Ó Baoill* cuairt ar Chlann Mhic Ruairí i Rann na Feirste i nGaeltacht Thír Chonaill.

Sraitheanna