Nochtadh an nuacht ar na mallaibh gur maraíodh 30 bean ó thuaidh ó bhí 2020 ann. Chuaigh an scéal seo go mór i bhfeidhm ar an dornálaí proifisiúnta Sean McComb, agus mar sin d’eagraigh sé ceardlann féinchosanta do mhná in éineacht le Missile Fitness agus Kova Combat.
Sa cheardlann, a bhí saor in aisce, d’fhoghlaim grúpa ban faoi roinnt modhanna féinchosanta, idir an choraíocht agus an dornálaíocht.
Labhair Meon Eile le Sean i ndiaidh na ceardlainne, a raibh an-éileamh air. D’inis sé dúinn faoin atmaisféar dearfach a bhí le mothú ar an lá agus faoin sprioc a bhí aige muinín na mban a thógáil. Mothaíonn sé go bhfuil sé iontach tábhachtach tacaíocht a thabhairt do mhná i gcónaí, go háirithe anois agus an banmharú go mór i mbéal an phobail sa Tuaisceart.
Is mór an t-éileamh a bhí ar an cheardlann agus mar sin de tá Sean, Missile Fitness agus Kova Combat ag iarraidh níos mó ceardlanna dá leithéid a shocrú, ag tosú ag deireadh na míosa seo.
Má tá tú ar lorg tuilleadh eolais faoi na ceardlanna seo, lean Missile Fitness anseo.
