Is léir go bhfuil tionchar ag COVID-19 ar gach gné den saol, ó chúrsaí sláinte agus sóisialta go dtí an gnó agus an eacnamaíocht. Agus tá éifeacht mhór aige ar chúrsaí oideachais chomh maith.
Is mac léinn Gaeilge é Conor Torbóid in Ollscoil Uladh, Doire, agus labhair sé le Meon Eile faoin tionchar atá ag an phandéim ar shaol na hollscoile.
Beidh Conor ag cur tús leis an bhliain dheireanach den ollscoil i mí Mheán Fomhair agus tá sé socraithe anois go mbeidh an chéad téarma uilig ar líne. Luaigh Conor na deacrachtaí a bhaineann leis seo agus na rudaí a chronóidh sé agus é ag dul ar ais ar an ollscoil don am deiridh.