Níl aon leigheas ar an Ghalar Scamhóige Toirmeascach Ainsealach (COPD) go fóill ach tá diantaighde idir lámha ag grúpa in Ollscoil na Banríona, Béal Feirste, faoi láthair.
Oibríonn siad i gcomhpháirtíocht le taighdeoirí eile atá lonnaithe i nDún Dealgan agus sa Ríocht Aontaithe chun staidéar a dhéanamh ar an ghalar agus ar na dóigheanna ar féidir le daoine a bhfuil COPD orthu an galar a mhaolú.
Ar ndóigh, tá baol ar leith ag baint leis an choróinvíreas do dhaoine a bhfuil a leithéid den ghalar seo orthu agus is é an chomhairle atá tugtha dóibh go dtí seo ná fanacht sa teach i gcónaí le linn na dianghlasála.
Labhair Meon Eile le Stiofán Mac Carsúin atá i mbun taighde ar an ghalar in Ollscoil na Banríona faoi impleachtaí an ghalair agus faoi chontúirt an choróinvíris do dhaoine atá ag fulaingt de dheasca COPD.