Picéad ag Oifigí Bhord Turasóireachta Thuaisceart Éireann faoin chosc ar Chomharthaíocht Ghaeilge

Picéad ag Oifigí Bhord Turasóireachta Thuaisceart Éireann faoin chosc ar Chomharthaíocht Ghaeilge

Rinne scór duine picéad ag oifigí Bhord Turasóireachta Thuaisceart Éireann inné le haird a tharraingt ar leithchéal na heagraíochta i leith comharthaí dátheangacha ó thuaidh.

Le bliain anuas, tá diúltaithe ag BTTÉ comharthaí Gaeilge a thógáil i gComhairle Dhún Pádraig, Comhairle an Iúir agus Mhúrn agus Comhairle Léim an Mhadaidh.

Rinne Príomhfheidhmeannach POBAL, Janet Muller, iarracht litir a bhronnadh ar ionadaí ón Bhord Turasóireachta ach dhiúltaigh an Bord ionadaí a chur chun tosaigh chun an litir a bhailiú lasmuigh dá n-oifigí.

“Feidhmíonn BTTÉ ‘polasaí’ neamhscríofa nach nglacann siad ach le comharthaí i mBéarla ach amháin nuair a bhíonn ainm Gaeilge ar an ionad atá i gceist. Cúis dhíomá dúinn gur dhiúltaigh siad arís agus arís eile glacadh le maoiniú agus iarratais mhaoinithe,” arsa Príomhfheidhmeannach POBAL.

B’iad POBAL a d’eagraigh an picéad sna sála ar an cháineadh a rinne Comhairle na hEorpa ar fheidhmiú na Cairte um Theangacha Réigiúnacha nó Mionlaigh ó thuaidh.

POBAL
Close
Close