Rinneadh ceiliúradh ar chéimithe de chuid Scéim na hIontrálaithe Nua leis an Chiste Craoltóireachta Gaeilge sna Saotharlanna Ormeau, Béal Feirste ar na mallaibh.
Achan bhliain cuireann an Chiste Craoltóireacht Gaeilge deiseanna ar fáil do dhaoine atá suim acu bheith ag obair in earnáil na meáin Gaeilge tríd an scéim seo.
Bíonn deis ag na hoiliúnaithe bliain iomlán a chaitheamh ag foghlaim faoi léiriúchán, ceamaradóireacht, eagarthóireacht agus gnéithe éagsúla den earnáil.
Le linn na bliana seo, bíonn deis ag na hoiliúnaithe taithí oibre a fháil le comhlachtaí léiriúcháin agus a gearrscannán féin a dhéanamh.
Ar lá an bhronnta, d’amharc an lucht féachána ar dhá scannáin de chuid an ghrúpa oiliúnaithe seo. ‘Slán arís’ an t-ainm a bhí ar an chéad dráma a tháinig as an chúrsa riamh, bunaithe ar an néaltrú. Clár faisnéise a bhí sa dárna gearrscannán darb ainm ‘Aeracha Uladh’, faoin chéad foireann CLG i gCúige Uladh atá cuimsitheach don phobal LADTA+.
Labhair muid le hAntaine Ó Donnaile ó Macha Media faoin traenáil a chuireann seisean ar fáil don lucht traenála agus an sult agus tairbhe a bhaineann sé as scileanna nua a theagasc agus daoine nua a thbhairt isteach chuig an earnáil.
Bhí Hugh O’Reilly Fitzgerald páirteach sa scéim agus labhair sé linn faoin tacaíocht a fuair sé ó na daoine ar an scéim leis, agus ó daoine atá aitheanta san earnáil cheana féin.
Is í Bríd Ní Fhachtna atá nua-cheaptha mar Chaothaoirleach an Chiste Craoltóireachta Gaeilge, agus mhol sí go hard an obair atá ar bun ag na oiliúnaithe iad féin agus na comhlachtaí a thugann tacaíocht agus treorú dóibh.
