Bhailigh na mílte duine i mBaile Átha Cliath Dé Sathairn faoi choinne phríomhimeacht Bhliain na Gaeilge, 'Beo - Gaelach & Bródúil'.
Aidhm an lae ná bród don Ghaeilge a léiriú le mórshiúl fríd an ardchathair a chríochnaigh i gCearnóg Mhuirfean, áit a raibh siamsaíocht bheo agus an tUachtarán Micheál D. Ó hUigínn i measc na n-aíonna.
Thaistil Gaeil ó fud fad na tíre chun ceiliúradh a dhéanamh ar a dteanga agus cultúr agus bhí ionadaíocht ann ó chuid de na feachtais reatha amhail Acht na Gaeilge agus seasamh ar son na Gaeltachta.
Bhí Meon Eile i láthair chun blaiseadh a fháil den fhéile sráide.