Tá ceithre leabhar seolta ag An tSnáithaid Mhór sa tsraith Rita agus níl am ar bith níos fearr ná anois leis an eisiúint is déanaí, 'Rita agus an Chailleach', a sheoladh.
Is cailín beag í Rita a bhfuil smaointe móra aici. Samhlaíonn sí cailleach a bheith aici agus go mbeidh spraoi agus diabhlaíocht ar bun acu atá fiáin-gan-srian agus dorcha draíochtach.
Ach cad a dhéanfaidh Rita má chuireann an chailleach ruaig ar a cairde? Nó má thugann sí bia lofa le hithe di?
Chomh maith leis an seoladh leabhair sa Chultúrlann, bhí geamaireacht ann le scéalta, milseáin agus cailleach dhána.
Bhí an áit plódaithe le páistí i mbréagéadach scanrúil agus thaispeáin Andrew Whitson an dóigh a ndéanann sé an líníocht iontach do na leabhair.
Chuaigh Meon Eile le páirt a ghlacadh sa cheiliúradh agus labhair muid leis an údar Máire Zepf agus le Caitríona Nic Sheáin ó An tSnáithaid Mhór.
Tá an leabhar ar fáil ón Cheathrú Póilí ar £7.
https://www.anceathrupoili.com/en/shop/rita-agus-an-chailleach/