Seoladh an leabhar páistí ‘Polcaphonc’ - leabhar ina bhfuil amhráin bhríomhara nuachumtha i nGaeilge - le Doimnic Mac Giolla Bhríde an tseachtain seo caite.
Ba í an craoltóir aitheanta, Bláthnaid Ní Chofaigh, a sheol an leabhar go hoifigiúil sa Siopa Leabhar ar Shráid Fhearchair i mBaile Átha Cliath.
Sa leabhair seo tá 20 amhrán nuachumtha Gaeilge ar achan rud a bhfuil dúil ag páistí ann; damháin alla atá santach, taibhsí cairdiúla, páistí ag sábháil an domhain agus eachtráin ón spás a bhfuil suim fhiánta acu in éadach... go háirithe éadach le cúpla polcaphonc!
Tá naoi mbliana ann ó foilsíodh an leabhar ‘Ící Pící’ agus tá Doimnic ag súil go mbainfidh idir óg agus aosta an sult céanna as a leabhar úr.