D’fhreastail na céadta duine ar Fhéile SULT ag an deireadh seachtaine, féile cheoil cois fharraige i nGaoth Dobhair.
Cuireadh tús leis an fhéile den chéad uair anuraidh agus i mbliana dhíol siad a dhá oiread ticéad ná mar a díoladh an bhliain seo caite.
Is í sprioc na féile ná suim a chothú sa cheantar trí cheol, craic agus siamsaíocht a chur ar fáil, chomh maith le hairgead a chruinniú do charthanachtaí áitiúla.
Déanfar cibé brabús a bhaineann leis an fhéile a athinfheistiú sa phobal áitiúil, ag soláthar tacaíocht do ghrúpaí pobalbhunaithe áitiúla, chomh maith lena chinntiú gur féile cheoil bhliantúil í SULT.
I measc na gceoltóirí agus na ngrúpaí a bhí le cluinstin ann bhí Chasing Abbey, Hoosiers, The Riptide Movement, Eve Belle, Welshy agus Stolen City.
Seo chugaibh blaiseadh beag den chraic agus den cheol ón deireadh seachtaine...