Tháinig na sluaite go Ráth Chairn, Co. na Mí, an deireadh seachtaine seo caite le freastal ar Fhéile na Gealaí 2025.
Féile champála atá i bhFéile na Gealaí a thosaigh in 2016 agus atá dírithe ar Ghaeil agus ar cheol na nGael, idir Éireannaigh agus Albanaigh.
Chuala a raibh i láthair ó cheoltóirí mór le rá amhail Súil Amháin, Le Boom agus SexyTadhg. Bhí seisiúin thraidisiúnta le cluinstin sa Céilí Kitchen chomh maith. Labhair Meon Eile le Cúán de Búrca a bhí ar an ardán oíche Dé Sathairn agus a chéad taispeantas ceoil á dhéanamh aige.
B’iontach an t-atmaisféar a bhí le blaiseadh i rith na féile, in ainneoin na drochaimsire a tháinig maidin Dé Sathairn. Labhair Jeaic Mag Fhinn agus Cara Jane Nic Giolla Chomhaill linn maidir leis na gnéithe den fhéile is ansa leo.
