Is é Cúán de Búrca an chéad cheoltóir eile ar labhair muid leis sa tsraith seo faoi ainmnithe Ghradaim NÓS 2026.
Rapálaí is ea Cúán a bhfuil a amhrán le HHH, ‘I Shot a Man in Carna’, ainmnithe sna rannóga Amhrán Dátheangach na Bliana agus Físeán na Bliana. Tá Cúán ainmnithe leis féin chomh maith do Ghradam Ronáin Mhic Aodha Bhuí a bhronnfar ar Nuatheachtaí na Bliana.
D’inis Cúán do Meon Eile faoin spreagadh taobh thiar de ‘I Shot a Man in Carna’ agus faoin dóigh ar thosaigh sé ag déanamh ceoil le HHH. Labhair sé faoi chúpla buaicphointe a sheasann amach dó go dtí seo ó thosaigh sé mar cheoltóir, agus leag sé amach na pleananna atá aige ó thaobh ceol nua de.
Beidh Gradaim NÓS 2026 ar siúl ar an 16 Bealtaine sa Black Box, Béal Feirste. Beidh Cúán de Búrca agus HHH le cluinstin ar an oíche agus iad ag seinm os comhair an tslua.
