Bhí craoladh beo speisialta ag Raidió Fáilte, stáisiún raidió pobail Gaeilge Bhéal Feirste, ag Féile na Meán Ceilteach i mbliana, i gcomhar le stáisiún Gaeilge Bhaile Átha Cliath, Raidió na Life.
In éineacht le MaryClaire Nic Uilliam ó Raidió Fáilte, bhí Rossa Ó Sioradáin ó Raidió na Life mar chomhchraoltóir léi. I measc na ndaoine a chuir siad faoi agallamh bhí Bríd Ní Fhachtna agus Áine Walsh ón Chiste Craoltóireacha Gaeilge, stiúrthóir an scannáin Aontas, Damian McCann, chomh maith le neart eile.
D’fhreastail Meon Eile ar an chraoladh beo, áit ar labhair muid le MaryClaire agus le Bainisteoir Raidió Fáilte, Cillian Breatnach.
