Seolfar taispeántas ealaíne dár teideal “Idir Dhá Aigne” i gCultúrlann McAdam Ó Fiach i mBéal Feirste um thráthnóna, 1ú Bealtaine ag 19:00.
Forbairt Feirste atá taobh thiar den taispeántas, atá á eagrú acu le beagnach bliain anois.
Tharraing an tionscnamh beirt ealaíontóir ó iarthar agus oirthear na cathrach le chéile chun dul i mbun oibre le daltaí ó Choláiste Feirste agus Ashfield Girls’ High School.
Chruthaigh Michael Doherty agus John Stewart 12 píosa an duine, iad ag stiúradh na ndaltaí le 20 píosa eile a chruthú.
Chaith Meon Eile seal sa dánlann nuair a bhí na pictiúrí á gcrochadh, agus labhair muid le cuid de na healaíontóirí faoin tionscnamh, agus faoina gcuid saothar…
Beidh na pictiúrí le feiceáil i nDánlann Dillon agus i nDánlann na mBallaí Bána sa Chultúrlann go dtí an 12ú Meitheamh.
Chomh maith leis sin, fuair Meon Eile deis tamall a chaitheamh le Michael Doherty agus é i mbun sceitseála ar Bhóthar na bhFál. Seo chugaibh blaisín beag den mhéid a bhí ar bun aige…