Tá na Gradaim Torc ar na buaicphointí is mó i bhFéile na Meáin Ceilteach. Bronntar iad ar léiriúcháin, comhlachtaí, nó daoine a bhfuil obair den scoth déanta acu in earnáil na meán Ceilteach, idir fhís agus fhuaim.
I mbliana, agus an Fhéile lonnaithe i mBéal Feirste, bhí lúcháir an domhain ar Niamh Nic Oistigín ó BBC Gaeilge agus Gradam Torc bainte ag ‘Blas: Gearóid Ó Cairealláin’ sa chatagóir ‘Clár Faisnéise: Fuaim’.
Is í Niamh a léirigh an clár faoin ghníomhaí aitheanta as Béal Feirste, Gearóid Ó Cairealláin, a fuair bás ag deireadh 2024. Pléann an clár saol agus saothar Ghearóid agus bhí bród mór ar Niamh as an duais seo a bhaint, go háirithe i mBéal Feirste i measc na nGael.
Is í an craoltóir Caoimhe Ní Chathail a bhí ag cur na nGradam i láthair i mbliana agus labhair Meon Eile léi faoin atmaisféar a bhí le mothú le linn na féile agus an tábhacht a bhaineann le aitheantas a thabhairt trí na Gradaim Torc.
