Bhí An Droichead lán go doras ar na mallaibh agus an ócáid 'Ceol Beirte' ar siúl ann mar chuid de Belfast Tradfest.
Ceoltóirí ag seinm ina mbeirteanna a bhí i gceist leis an oíche agus ina measc siúd a bhí ar ardán bhí: Caitlín Nic Gabhann agus Ciarán Ó Maonaigh ar an chonsairtín agus an fidil; Síle Denvir agus Barry Kerr ag canadh agus ag senim ar an ghiotár, feadóg mhór agus cláirseach; Dave Munnelly agus Steve Cooney ar an ghiotár agus bosca ceoil; agus Méabh O’Hare agus Ann Marie McCormach ar an fhidil.
Is í Meábh O’Hare a bhí ina bean an tí ar an cheolchoirm fosta.
Cé gur ceol beirte ba theideal don ócáid, tháinig an t-ochtar acu amach chun encore a dhéanamh agus ba mhór an sult a bhain an slua as an cheol ar fad.
Labhair Meon Eile le Claire Kieran ón Droichead agus le Ciarán ó Maonaigh agus Síle Denvir - tá bláisín den cheolchoirm iontach le fáil san fhíseán thuas.
Is feidir dul anseo le tuilleadh eolais a fháil ar An Droichead agus anseo le heolas a fháil ar Belfast Tradfest.