Bhí ionad an Dunairn i dTuaisceart Bhéal Feirste lán daoine ar na mallaibh agus an t-imeacht ‘Sing for your Session’ ar siúl ann i gcomhar le foireann ‘Levis Corner House’ a tháinig an bealach ar fad ó Bhaile an Dá Chab, Corcaigh.
Bhí bia thar barr ar fáil ó Iarthar Chorcaí agus é roinnte i measc na dtáblaí, rud a spreag comhrá agus cairdeas idir gach duine a bhí i láthair. Le linn an bhéile bhí seans ag an slua dul ós comhair an lucht féachana agus amhrán a chanadh.
Atmaisféar fáiltiúil neamhfhoirmeálta an sprioc a bhí ag an fhoireann, a mhínigh Diarmuid Wolfe ó Levis Corner House, agus d’éirigh leo sin a chruthú gan aon amhras.
Labhair Meon Eile le Liadan Kaminska, atá ar fhoireann an Duncairn, faoin tábhacht a bhain leis an imeacht agus iad ag cothú pobal Gaelach i dTuaisceart Bhéal Feirste.
Bhí an ceoltóir mór le rá, Sinéad McKenna, i láthair ar an oíche fosta agus d’inis sí dúinn faoin dóigh a dtógann an ceol le chéile muid.
