Ar bhosca Meon Eile na seachtaine seo tá muid ag cur ceiste a mbíonn cuid mhór tuairmí difirula faoi, "Ar cheart páistí a bhualadh?”
Rinne IPSOS MRBI suirbhé don Irish Times ar na maillibh inar fiafraíodh de thart ar 500 tuismitheoir an mbuaileann siad a gcuid páistí féin agus cé chomh minic a bhuaileann siad iad.
Dúirt níos mó ná leath de na tuismitheoirí a cheistíodh go mbuaileann siad a gcuid páistí. Tuismitheoir as deich gcinn a dúirt go mbuaileann siad a gcuid páistí go rialta nuair a bhíonn fearg orthu lena bpáistí. Beagnach leath dóibh siúd a ceistíodh a dúirt gur annamh a thógann siad a gcuid lámha.
Cén áit ina dtarraingtaítear líne agus smacht a chur ar rógaireacht, diabhlaíocht agus fiosracht na hóige?
Labhair muid le Siobhán Ní Chíobháin, bean óg nach bhfuil páisti aici go fóill ach a fuair cúpla boiseog nuair a bhí sí níb óige agus le Nóra Ní Raghallaigh atá ina tuismitheoir de thrí ghasúr agus a bhíonn ag obair le páistí gach lá le fáil faoi thuairim s’acusan i leith na ceiste…