Thuirling na céadta ar Chnoc an Anfa Déardaoin seo caite agus chéad léirsiú na bliana eagraithe ag an Dream Dearg don fheachtas ar son Acht Gaeilge.
Daltaí ó Choláiste Feirste, Gaelscoil an Lonnáin, Gaelcholáiste Dhoire, Gaelscoil na Daróige agus roinnt Gaelscoileanna eile ó Dhoire agus ó Bheal Feirste a bhí chun cinn agus an slua ag siúl go céimeanna Stormont.
Ansin tráthnóna Déardaoin, bhuail ionadaithe ó Chonradh na Gaeilge agus grúpaí eile Gaeilge le Rúnaí Stáit na Breataine, Karen Bradley.
B'shin an chéad uair ar chas Státrúnaí de chuid na Breataine leis an toscaireacht Ghaeilge.
I ndiaidh os cionn 100 iarratas a dhéanamh le réamhtheachtaí Karen Bradley, James Brokenshire, bhí an toscaireacht ag dúil leis an deis cás an phobail a chur faoina bráid.
Bhí Meon Eile i láthair ag an lá gnóthach i gCnoc an Anfa.