Bhí cúis cheiliúrtha ag an slua bailithe i Halla na Cathrach, Béal Feirste an tseachtain seo caite agus buaiteoirí Ghradam Ceoil TG4 á bhfógairt.
Beidh na Gradaim féin ar siúl ar an 4 Feabhra 2018 sa Waterfront i mBéal Feirste agus beidh siad ann go cionn ceithre bliana.
Bhailigh buaiteoirí 2018 chomh maith le clann, cairde agus lucht tacaíochta i Halla na Cathrach chun tús a chur leis na hullmhúcháin do cheann de na hoícheanta is mó i bhféilire an cheoil.
Bhí Meon Eile i láthair ag an seoladh agus labhair muid le buaiteoirí agus le lucht eagraithe na nGradam.
Buaiteoirí Ghradam Ceoil 2018 ná:
Gradam Ceoil TG4: Frankie Gavin
Ceoltóir Óg TG4: Claire Friel
Gradam Saoil: Patsy Hanley
Gradam Comaoine: Pádraigín Ní Uallacháin
Amhránaí TG4: Máire Ní Chéileachair
Comhar Cheol TG4: Maura O’Keeffe
Gradam Speisialta: The Field Marshal Montgomery Pipe Band